धरानः इटहरी उपमहानगरपालिकाका मेयर द्वारिकलाल चौधरी फेरि उस्तै विवादमा तानिएका छन् ।
विवादमा आइरहने प्रमुख द्वारिकलाल चौधरीले कोरोना संक्रमणविरुद्ध उपमहानगरपालिकाको तयारीबारे सोध्न खोज्दा मुख खोलेका हुन् । कोरोना भाइरसको जोखिमसँग लडिरहेका बेला गुमनाम बनेका मेयर चौधरीलाई इटहरीमा भइरहेको तयारीबारे जानकारी लिन खोज्दा उनले मुख छाडेर तथानाम गाली गरेका छन् । कोरोना भाइरसको महामारीको समयमा उपमेयर लक्ष्मी गौतमलाई कार्यवाहक दिएका चौधरीलाई इटहरीको एरिना टेलिभिजनले फोन सम्पर्क गरेर सोध्न खोजेको थियो ।
कोरोनाविरुद्वको तयारीबारेमा संवादका लागि फोन सम्पर्क गरेको टेलिभिजनका प्राविधिकलाई चौधरीले अपशब्द प्रयोग गर्दै तनाथाम गाली गरेका हुन् ।
पत्रकारः हेलो
मेयरः हेलो
पत्रकारः सर नमस्कार
मेयरः नमस्कार
पत्रकारः सर म एरिना टेलिभिजनबाट हो ।
मेयरः क्यारे !
पत्रकारः एरिना टेलिभिजनबाट बोलेको सर ।
मेयरः फोन राख मु…
पत्रकारः सर सन्नु न
मेयरः फोन राख मु…
पत्रकारः होइन हौ सर, सुन्नु न अनि यो हाम्रो
मेयर ः फोन राख मा… त तेरो बाउलाई फोन गरे…
मेयरः फोन राख मा…. त !
उनले यसअघि पत्रकारको नाकको डाँडी भाँच्न एक करोड छुट्याएको धम्की दिएका थिए । उता मेयर चौधरीले पत्रकारमाथि अपशब्द बोलेको भन्दै नेपाल पत्रकार महासंघ सुनसरीले विज्ञप्ति जारी गर्दै आपत्ति जनाएको छ ।

LEAVE A REPLY

Please enter your comment!
Please enter your name here