दिलकुमार लिम्बू
ताप्लेजुङः नेपालमा पनि कोरोना संक्रमण देखिएपछि संक्रमण फैलिन नदिन भन्दै जिल्ला प्रशासन कार्यालय ताप्लेजुङले बिहान ६ बजेदेखि निषेधाज्ञा जारी गरेको छ ।
जिल्ला प्रशासन कार्यालय ताप्लेजुङले विज्ञप्ती जारी गर्दै स्थानीय प्रशासन ऐन, २०२८ को दफा ६ को उपदफा ९३० अनुसार मंगलबार बिहान ६ देखि चैत १८ गते मंगलबार विहान ६ बजे एक हप्ता तथा १६८ घण्टासम्म लागू हुने गरी निषेधाज्ञा जारी गरिएको जानकारी दिएको छ ।
निषेधाज्ञा अवधीभर आपतकालीन र अत्यावश्यक काम बाहेक घरबाट बाहिर हिँडडुल नगर्न विज्ञप्ती मार्फत आग्रह गरिएको छ ।
यसैबीच ताप्लेजुङको सदमुकाम फुङलिङ नगारपालिकामा रहेको उद्योग वाणिज्य संघको भवनमा मंगलबार २० शैयाको आईसोलेसन वार्ड तयार पारिएको छ ।
जोखिमलाई मध्यनजर गर्दै नेपाल रेडक्रसको भवन ताप्लेजुङ विमानस्थल सुकेटर अवस्थित पाथीभरा क्षेत्र विकास समितिको भवनमा आइसोलेसन वार्ड विस्तार गर्न भएको हो । नेपाल सरकारले जारी गरेको लक डउनलाई प्रभावकारी कार्यान्वयन गर्न सबै सरोकारवालाहरु लागिपर्ने निष्कर्ष निकालेको छ । 

LEAVE A REPLY

Please enter your comment!
Please enter your name here