धरानः धरानमा आज बुधबार घर बाहिर अनावश्यकरुपमा हिँडडुल गर्ने १२ जनाभन्दा बढी पक्राउ परेका छन् । अहिले भानुचोक सुनसानझैं छ भने अन्य स्थानमा केही मानिस बाहिर निस्किएका थिए ।
इलाका प्रहरी कार्यालय धरानले दिएको जानकारीअनुसार बिहान ६ बजेदेखि ९ बजेसम्म १२ देखि १५ जनासम्म स्कुटी, मोटरसाइकल चालक नियन्त्रणमा लिइएको इलाका प्रहरी कार्यालय धरानले जनाएको छ ।
कोरोना भाइरस सङ्क्रमण फैलिन नदिन सरकारले लकडाउन गरेपनि धरानमा अटेर गरिएपछि प्रहरीले पक्राउ गर्ने निर्णय मंगलबार नै सार्वजनिक गरिसकेको छ । इलाका प्रहरी कार्यालय धरानका डिएसपी ढुण्डीराज न्यौपानेले १२ जनाभन्दा बढी स्कुटी, मोटरसाइकल चालक नियन्त्रणमा लिइसकेको बताए । १२ वटा मोटरसाइकल, ९ वटा स्कुटी र एउटा सिटी सफारी नियन्त्रणमा लिइएको उनले जानकारी दिए ।
सरकारले लकडाउन घोषणा गरेसँगै जिल्ला प्रशासन कार्यालय सुनसरीले पनि बिहान ६ बजेदेखि साँझ ६ बजेसम्म निषेधाज्ञा जारी गरेको थियो । पहिलोदिन धरानमा लकडाउन एवं निषेधाज्ञा उल्लङ्घन गर्ने बढेपछि प्रहरीले यस्तो निर्णय लिएको थियो ।
स्थानीय प्रशासन ऐनअनुसार प्रमुख जिल्ला अधिकारीलाई निश्चित भूभागमा निषेधाज्ञा वा कफ्र्यु लगाउने अधिकार छ । त्यसलाई पनि अटेर गरे अन्तिम चेतावनी दिने र सुरक्षाकर्मीले बल प्रयोगसमेत गर्न सक्ने व्यवस्था ऐनमा छ । धरानमा बुधबार चारवटै सुरक्षा निकाय भिन्दाभिन्दै रूपमा एरिया कभर गरेर खटिएका छन् ।

मंगलबार धरानको भानुचोकमा देखिएको दृश्य ।

फ्रान्सबाट सँगै आएकी कोरोना संक्रमितसँगै आएकालाई मंगलबार धरान–१६ मा खोजी गरिँदै ।

LEAVE A REPLY

Please enter your comment!
Please enter your name here