दिलकुमार लिम्बू
ताप्लेजुङः धरानको घण्टाघर अनिश्चितकालका लागि बन्द भएको छ । घण्टाघर अगाडि सूचना नै टाँसिएको छ । सूचना टाँस गरेर घण्टाघर बन्द गरिएको जनाइएको छ । घण्टाघर अवलोकनका लागि भन्दै स्थानीय तथा बाह्य पर्यटकको चहलपहल बढ्न थालेपछि घण्टाघरमा गेट लगाएर बाहिर सूचना टाँसिएको छ ।
उता ताप्लेजुङको पाथीभरा मन्दिरको दर्शन बन्द गरिएको छ । जिल्ला प्रशासन कार्यालयमा शनिबार बसेको सरोकारवालाहरुको बैठकले केही समयका लागि त्यहाँ नजान अनुरोध गरेको हो ।
कोरोना संक्रमणको जोखिमलाई बेवास्ता गर्दै पाथीभरा दर्शन गर्ने जानेको ताँती लागेपछि जिल्ला प्रशासन कार्यालयमा सुरक्षा निकाय, पाथीभरा क्षेत्र विकास समिति, पाथीभरा संवद्र्धन समतिको संयुक्त आकस्मिक बैठकले अनिश्चितकालको लागि दर्शन गर्नको लागि बन्द गरिएको हो ।
अहिले पुरै बन्द नगरिएको तर आइतबार सोमबारसम्म पनि फ्लो नघटे बन्दै गर्ने ताप्लेजुङका प्रमुख जिल्ला अधिकारी डोरेन्द्र निरौलाले बताए । शनिबार १ हजार ६ सय तीर्थयात्री ताप्लेजुङको पाथीभरा मन्दिर पुगेका थिए ।
नेपालको विभिन्न भूभागसहित भारतको सिक्किम, दार्जे्लिङ, विहारसम्मका नागरिकले पाथीभराको दर्शन गरेका हुन् । सरकारले सकेसम्म घरमै बस्न र अत्यावश्यक कामबाहेक हिँडडुल नगर्न आग्रह गरिरहेका बेला पाथीभरामा भने तिर्थयात्रीको भिड लागेको छ । फुङलिङ बजार, सुकेटार काफ्लेपाटी र फेदीमा बास बसेका तिर्थयात्री पाथीभरा पुगेका हुन् । शनिबार २५–२५ जनाका दरले समूह बनाएर पूजा गराएको जिल्ला प्रहरी कार्यालय ताप्लेजुङका डिएसपी ज्ञानेन्द्र फुयाँलले बताए । भारतबाट झापा, इलाम, पाँचथर हुँदै पाथीभरा पुग्नुपर्छ ।काकडभिट्टा र पशुपतिनगर नाकाबाट नेपाल प्रवेश गरी पाथीभरा आएका हुन् । 

LEAVE A REPLY

Please enter your comment!
Please enter your name here