फस्ट रनरअप बनेकी सुनाखरी एकेडेमीकी छात्रा विनिशा राई ।

धरानः धरानमा लागेको औद्योगिक व्यापार मेलामा आयोजित स्कुल डान्स आइडल २०७६ को उपाधि धरान–१३ स्थित सैनिक आवासीय माविका इशान विकले जितेका छन् ।
यस्तै, धरान–१२ सुनाखरी एकेडेमीकी विनिशा राई फस्ट रनरअप र धरान–१९ स्थित आवर होम बोर्डिङकी रिष्ता राई सेकेण्ड रनरअप बनिन् । जम्मा १० प्रतिस्पर्धीलाई पछि पार्दै उनीहरूले पुरस्कार जितेका हुन् । उपाधि जित्ने विशनले ५० हजार ५५१ रूपैयाँ, फस्ट रनर अपले २५ हजार ५५१ र सेकेन्ड रनरअपले १५ हजार ५५१ रूपैयाँ पुरस्कार पाए ।
प्रस्तुति, भेषभुषाको आधारमा १० जना छनौट भएका थिए । १० जनामध्ये विजेता घोषणा गरिएको हो । छानिएकाहरु सिद्धिका राई, सञ्जल राई, रिन्छिन गुरुङ, प्रज्वल राई, स्वेता राई, डिना लिम्बू, करिस्ता राई, इशान विक, तोषी सुनुवार, रिश्ता याक्खा, सोनिया राई, आस्था अर्याल, रोहण मगर, विनिशा राई र विमश पौडेल रहेका थिए ।
धरानको कक्षा ५ देखि १० कक्षा सम्मको विद्यार्थीहरुलाई समेटेर स्कुल डान्स आइडल २०७६ आयोजना गरिएको हो । औद्योगिक व्यापार मेलामा केही नयाँपन दिने अभिप्रायले स्कुले द्यिद्यार्थीहरु समेटेर कार्यक्रम आयोजना गरिएको संयोजक शिवराज श्रेष्ठले बताए ।

LEAVE A REPLY

Please enter your comment!
Please enter your name here